الادب والفنمقالاتمنوعات

وياتري برج حضرتك إيه؟

بقلم المخرج الفنان/ مجدي الهواري

وانا أسأل سؤال في الاخر ؟
والناس بتسأل علي برج الواحد علشان يعرفوا شخصيته ويتعرفوا عليه !!

وده تقريباً بيبقي تالت او رابع سؤال بعد دردشة التعارف والذي منه !!
يبدء يسألك انت برج ايه براكشن كده انه هيفهمك حالًا اهو اول ماتقولة ميزان مثلا .. يقولك اه Libra مش ممكن لا لا انت Libra معقول !! وتقولك مثلا اصلي انا my x كان وكان … ويبدء الفتي
في اوربا والدول المتقدمة ..السؤال ده غالباً بيبقي
من نوع اخر في التعارف الناس ببعضها
شبه انت دارس ايه مثلا ؟ او خريج ايه !! لكن
احنا معندناش ثقافة ان التعليم جزء من تطوير او نضج او عمق او حتي تغير جزئي للشخصية !!
إطلاقًا..
مش فاهم ده علشان احنا مش معترفين ان التعليم بيأثر في الشخصية !! ولا مش معترفين ان في تعليم اصلا !!
فابنضطر نسأل عن البرج علشان يساعدنا للتعرف بالشخصية والسليقة اللغوية الحتمية الكونية بعلم الفلك والميتافيزيقية
ولما نكتشف انه زي ما الكتاب مابيقول نفرح اوي !! ونقولي ياااا دانت original برج الـ Libra ..
واللي اصلاً انا اشتغلتها وانا اصلاً برج الدلو ياخسارة جمالك في الجهل
بره بقي ارهنك لو سألت واحد عن برجه .. وخد اكتر من دقيقة في المعلومة وخلاص بس مايكروش المنهج كله ! وبعدين يطلع في خصلة او اتنين من البرج مش كل حاجة ، لان مفيش كل حاجة غير عند ماجي فرح
ازاي ماانت اتعلمت وأهلك حاولوا يصرفوا عليك وقريتهم زمان في مراحل المرهقة عن الأبراج وكل الهيئة ديه وطلعت بمعلومة ان مفيش حقيقة مطلقة في الأبراج .. تتفاوت وتتغير بتغير الثقافات والمتغيرات المرحلية منها التعليم .
ولان الواحد مر بمراحل كتيرا Automaticly غيرت وطورت من طباعه الفارسية واشتغل علي نفسه لان التعليم بيفتح الدماغ وينور .. والعلم نور ياجدعان مش كان طه حسين بيشوف رغم انه كفيفًا
كان بيشوف بعلمه
زي مثلا ان برج الدلو شخصية صحبه انطوائي طلع ده ممكن يتغير لما يدخل عقله اوكسجين بالثقافة والتعليم وهكذا ..صح مش دايماً بيصادف بس ممكن التعليم يخليك معلوماتك السطحية عن الأبراج والتجارية منها كده
وده كبيره انك تبقي عارف اسم البرج بالصيني مثلاً
وتخليك توصل للمادة الخام بس لو قابلت حد متعلم وخبير في علم الفلك هيشطفك بالعلم
ويخلي الكام كتاب اللي انت قريهم عن الأبراج من عينت كتب شندي الفلكي وماجي فرح واللي بتتمنظر بيهم علي صحابك اللي مفتحوش حتي كتاب حتي او ثقافة الوعاء لما الكتاب اللي صحبك شافه بس ..وبدء يحكيلك نصه وتبقي ثقافة عن عن .
وشكلك يبقي وحششششششششششش
واخيراً
نقول الخلاصة ونسال السؤال هو التعليم عندنا مبيعملش حاجة في الشخصية !! ولا يفتح أفق جديدة لدماغك ؟!!
ولا تحلق في سماء العلم فتأثر بالإيجاب علي حصانة مخك من الخرافات والجهل اللي بتخليك بتفتي قدام ناس متعلمة وانت ياحرام مش قادر تفهم انك لازم تخرس خالص ..لما تقعد مع ناس متعلمة بجد ! وتسمع بس
علشان متبقاش جاهل وعبيط
عايز اجابة !!!!!!!

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق