الادب والفن

في اليوم العالمي للشعر

بقلم الشاعر اللبناني:
يوسف الدباك جعجع

اتركني يا شعر مالك ومالي
انا اللي تركتك ودشرت حالي
وانا اللي رفعتك لسابع مجرة
وبعين الخلق صيرتك رسالي
وانا الفلسفتك بابيات حرة
متل فلسفة بو روكز الغالي
وفرقتك عا جبين البدر غرة
بشعر شمشوم دليلى الاصالي
وبعد ما طبعتك على التاج درة
صرت بكتير اغلى من اللآلي
عاملتك متل فاخوري وجرة
الفاخوري انت والجرة خيالي
وبدمع النبع فجرتك لبرا
بعد ما صرت فيي زيت غالي
ولاني قشعتك بعين المعرى
وطه حسين فقرة من مقالي
ولانك بعتني بلا جميل شرى
اسمحلي قلك بيومك اتركني
بعد ما تبعتك ودشرت حالي
_
يوسف الدباك جعجع

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق