الادب والفن

فسادستان

شعر محمد عمر بركات

فسادستان بلد محبوب #😍# لكن أحواله متسرش
ومين يلقى بلد منهوب #😎# وكله فساد وميعكش
فسادستان شباب نامت #😴# وساعة الحق متردش
ولو ريحة الفساد فاحت #😷# بيعمل نفسه ميشمـش
*************************************
كلاب وحمير وكلناها #🐅# وصوت ف الكفته بينونو
واقوله ياعم مابلاها #🐤# يقولك بطني بتصوصو
وادينا مقضينها نهيق #🐕# وناس م اللحمة بتهوو
*************************************
وعملوا من البلاستيك رز #🍴# وعملوا من البلاستيك بيض
ومن بعد الغنى والعز #🍸# هنشرب مية المراحيض
دا فاضل يزرعولنا الوز #💃# وناقص رجالتنا تحيض
****************************************
وحتى القطر مش عاجبه #🚂# يوماتي سايب لنا القضبان
ياقطر حرام !! رفع حاجبه #🚂# وقالي سنين وانا هلكان
ولاحدش عمل واجبه #🚂# فمتجوشي على الغلبان
****************************************
حرايق كل يوم ف ميدان #👿# خصوصا شهرنا الحالي
إشي محطة وإشي ديوان #👿# بنخسر فيها بالغالي
عشان البيه سرق وعشان #👿# يظبط موقفه المالي
****************************************
وادينا بالفساد راضيين #🙊# وكله بيرمي ع التاني
وع الحال ده بقالنا سنين #🙉# بنشرب ذل ونعاني
وراسنا ف التراب دافنين #🙈# لحد مايهرب الجاني

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق